廖廐新馬走甩兩圈　草閘停約10分鐘

季初排位日嘅晨操相對冷清，直至今早7時走甩馬，唯一一個開季連贏3期嘅練馬師廖康銘，原本安排旗下新馬「盈利寶馬」同廐侶「勁沙麈」、「快樂寶寶」喺1800米起步點彈草閘，但「盈利寶馬」一出閘就將見習學員拋低，草閘因此短暫暫停，幸好騎者並無大礙。

至於「盈利寶馬」，此駒首次過終點線時，練馬師蘇偉賢嘗試截停馬匹無果，「盈利寶馬」又跑多圈，再過終點線時遇到廖廐騎馬人，馬匹調頭跑去直路賽1000米起步點，最終要出動兩匹儀仗馬，由賽道工作人員捉返隻馬，成件事擾攘咗約10分鐘，草閘才重開。而翻查紀錄，「盈利寶馬」都可以稱做麻煩友，皆因此駒在港3次試閘都唔合格。