過完中秋　齊天大聖滿血打尾關！

近排3A動作角色扮演遊戲《黑神話：悟空》NO.1大熱，好多機迷都機不離手，個個都廢寢忘食，想快啲打二郎神、大聖爺真身呀。而呢一邊馬場中秋翌日月圓未過，都有匹齊天大聖打final round，講嘅係「赤兔猴王」，呢隻東廐5歲馬好似開咗外掛咁，連續11仗入三甲，上季尾最後一仗，排11檔都能夠切入二疊最終跑第3，真係超夠準繩，今次叉足電滿血復出，仲排埋番個1檔，睇吓會唔會成為尾場天命人，再一次為告東尼、蔡明紹呢對師徒取得贏經喇~