【戰況R1】方嘉柏：精彩駿將放頭後上都OK！

今晚四班1200米分拆成3組，令各場水準只屬一般。頭場布文策騎方嘉柏馬房「精彩駿將」，5檔起步即自行領放，潘頓大熱門「飲杯」沿途緊咬住佢，直路兩駒拍住鬥，但「飲杯」追足一條直路都過唔到，只跑第2，「精彩駿將」順利一放到底，打開在港勝利之門。今場跑第3名為蔡明紹「新幹線」，田泰安「五福星」跑第4。

賽後，方嘉柏表示「精彩駿將」係出色嘅賽駒，上季尾初出已經跑得接近，暑假進展良好，最後決定安排喺谷草復出，好開心可以贏馬。方嘉柏指出「精彩駿將」跑法彈性，今仗放頭跑係因為賽前覺得冇乜馬放，之後跟馬跑都唔會有問題。

第1場賽果：5-2-8-7

二重彩賽果：5-2(最後賠率12)