【戰況R4】安仔力拚開齋　石哥嚇到鼻哥窿冇內肉！

第4場五班谷1000米最短途，潘頓匹「勝萬金」成為2.3倍大熱，走入內欄直路攝個靚位上來，個勢好似贏，但外面未開齋的田泰安騎住9歲老馬「中華威威」力追，大家一人一步，鬥得好激烈，最尾安仔施展打樁騎法，UM吓UM吓最終以鼻位啄到頭馬，贏得咁險返來，賽後見到練馬師徐雨石好似驚魂未定，慌失失咁呀，石哥今季開好個頭，依家有2場頭馬揸手，算唔錯了，希望佢繼續贏多啲馬，但唔好咁忟水了。

是場跑第3、4名，係布文匹「天分高」及楊明綸33倍冷門「神行百變」。

第4場賽果：1-4-5-11

二重彩賽果：1-4(最後賠率53)