退役儀式前夕　佢都要騎1次金鎗六十！

3屆香港馬王「金鎗六十」已於9月13日正式退役。「金鎗六十」貴為馬王，在港出戰31場贏26場，成績彪炳就唔使講啦！雖然「金鎗六十」喺服役生涯未曾遠征，對唔少馬迷嚟講可能係一個遺憾，但一匹佳駟喺香港可以贏到26W絕對難得，賽績同樣值得尊重。

為表揚「金鎗六十」在港服役以來贏咗咁多場頭馬，兼且展現超強鬥心，香港馬會特意為「金鎗六十」於本周日(9月22日)安排退役儀式。想喺香港一睹「金鎗六十」風采，就要趁呢個機會啦！唔捨得「金鎗六十」嘅，又點止大眾馬迷？呂健威當然係唔捨得「金鎗六十」嘅其中一員啦！呂健威馬房社交平台發布限時動態，就係威哥都忍唔住喺「金鎗六十」退役儀式前夕跨上馬背感受馬王風采！「金鎗六十」當然威風凜凜，威哥同樣英姿煥發！