【分秒在握】後勁強橫機會「昇」

呂健威剛周三連中三元，一下子累積4W，與沈集成及廖康銘並列首位，周日「金鎗六十」榮休，相信呂廐亦會出擊以配合。不過上季與其爭冠的伍鵬志，剛周三亦連場出擊，好可惜連番飲恨，好似「皇仁福星」及「添開心」就齊齊負於呂廐馬，今次伍廐馬質量均不差，其中「旭日昇」就有機會成功補中。

當然論牌面，蔡廐「氣勢」必會受熱捧，始終曾經雙殺「嘉應高昇」，而後駒已進身分級賽冠軍行列，不過「氣勢」已抖8個月，加上期間曾接受手術，按理狀態必未十足，這就令到對手有力一爭。

「旭日昇」上季尾向田草1200米發展，贏過「極速贏」勝出，亦試過以不足一馬位負於「同祥和順」及「駿馬為伍」得第3名。來到今季，此駒開鑼日再進軍同程得季軍，只負於「華麗再勝」及「輝煌精英」，「旭日昇」能夠在劣勢下追近，並交出22秒3的快時間，熱完身後捲土重來，再次追近甚至勝出亦不奇。

■長風