擺明車馬　Michael哥跨日孖寶冇難度

鄭俊偉喺星期三尾場憑「木火兄弟」取得今季首場頭馬，聽日則派6駒出賽，當中「年年友福」將交由贏馬拍檔湯普新策騎，出戰頭場四班泥地1650米。騎練今早喺機坪外密斟，兩個仲好好傾，一路傾一路行入馬房，肯定戰意十足。

而湯普新受訪時對「年年友福」亦有讚無彈，他說：「『年年友福』泥草皆宜，最近試閘同操練都展示到馬匹狀態唔錯。因為排8檔，所以會留後跑，但過往都交出唔錯嘅衝刺，相信陣上會有表現。」