要贏就贏G1　莫雷拉澳洲捧木下錦標

如果有留意我哋《東網》馬經報道，都知莫雷拉最近去咗澳洲客串，可惜啱啱禮拜三、四喺當地上陣都未有進帳。嚟到今日雷神就喺考菲爾德馬場出賽，繼續由名牌練馬師華禮納效力，可惜早段場次略為欠運，先後喺兩場賽事屈居亞軍，非常可惜。

不過，嚟到今日嘅重頭戲，途程1800米一級賽木下錦標，莫雷拉策騎華禮納嘅「實幹牛仔」(Buckaroo)，雖然轉彎掟出外疊，但入直路後走勢強勁，最終帶離對手贏出呢場一級賽，亦係雷神今次去澳洲客串首場勝仗。至於戴文高嘅坐騎「瀚濤」(Huetor)得第2名，季軍就係薛恩胯下嘅大熱門「希國政客」(Pericles)。