【晨課起筷馬】一周兩試閘　姿態截然不同

第3場四班1200米草地，姚本輝馬房「自由奔騰」上季4戰全敗無場好睇，馬匹進度完全未足，落敗絕對係意料之事，不過今季操落進步一日千里，尤期係最近嗰課大閘。

「自由奔騰」9月3日先安排試咗課田泥1200米閘，由班德禮主轡，出閘反應尚可，不過前速一般，居馬群中央競走，入直路作出推騎下一直未能增速，以尾2過終點；到9月10日再安排試同程泥閘，續由班德禮主轡，初戴眼罩，10駒出試排9檔起步，起步反應出奇地快，鞍上人質幾步之後已迅速透出領放，早段走來仍有多少搶口，走順後愈拋愈甩，最終一放而回首次於試閘掄元，表現脫胎換骨，呢個眼罩作用正面！

■陳志懷