【大跑道】北地烈馬上火上力

周六朝只有「旗幟鬥士」到大圈出試，由助手踱一圈，馬身靚展現線條美，神態亦唔錯。以下是心水推介：第3場「天天耍樂」跑變化地冇問題，上季總場次755跑軟地上名，該仗冠軍「旭日昇」、亞軍「極速贏」、殿軍「共享富裕」及第5名「非凡達」之後都有好表現。「天天耍樂」試跑頭側側但唔再急口，前速夠快排外檔亦唔擔心，贏馬可期。

第4場「北地烈馬」賽前只試兩課從化閘，第1課800米草閘，冇配備下試來有前有後，展現極佳鬥心，不過就有啲搶口。第2課試1000米草閘兼加頭罩，再次前後兼備更口勁收斂，早熟馬上火上力，頭炮博得過！

第10場「同祥和順」上季3歲贏3場，今季轉4歲一定更醒，今戰體重1175磅噸位夠，負重磅冇理由唔得，廖康銘安排牠爭二班而不跑三班，擺明無懼強敵，再看「同祥和順」最近試跑急勁而唔太搶口，確認不斷進步，今次升班有力打老虎。