【戰況R3】巫偉傑：糖不甩受惠從化地靈人傑

巫偉傑馬房「糖不甩」在港9戰未贏過，但上季初配梁家俊即闖入一席季軍，似乎愈來愈成熟進步，結果踏入今季大變身，喺第3場四班1200米憑後勁爆出17倍冷W，亦令騎者打開今季勝利之門。今場跑第2名為艾兆禮「紫荊歡呼」，潘頓1.6倍全熱門「勇霸龍」跑第3，第4名為何澤堯「天天耍樂」。

賽後，巫偉傑表示「糖不甩」初加盟時比較稚嫩，直至上季尾開始學識放鬆，加上開咗從化馬房之後，地方大啲，又有多啲設施，「糖不甩」本身比較急，去從化操練後變得不同，從化試閘表現幾好，相信「糖不甩」可以升返上三班，但未來會安排馬匹增程1400及1600米。

第3場賽果：7-2-5-4

二重彩賽果：7-2(最後賠率161)