CEO畀晒心水　速睇1膽4腳點揀好！

今晚跑馬地賽事第5場三班1650米，馬會CEO應家柏先生預期步速不慢。「建測羣英」上仗於同程沿途跟隨領放馬，末段保持佳勢而跑獲亞軍，今仗首次交予潘頓執韁，儘管9檔不太理想，但出自近期氣勢正盛的希斯馬房，屬坐位望贏之選。

「大千氣象」去季3捷有兩場頭馬在跑馬地獲得，此駒上周試1600米大閘走勢良好，今仗從2檔起步，應可於有利位置競逐，三甲分子。「大學生」上仗留前鬥後，過終點時最為接近，獲得第5名，此駒上季兩勝同程，今回首次由周俊樂壓陣，相信與由田泰安策騎的「爭金奪冠」同樣有位置機會。

「我做到」上仗自外檔出閘後留居後列貼欄位置，走來搶口，最後200米望空後以勁勢衝刺而獲得季軍，今次雖然再度抽到外檔，但仍有機會走入一席位置。