現身日本再考JRA牌照試　麥晴欣：筆試答題有進步

本報暑期曾經報道，麥晴欣將會捲土重來，第3次參加日本JRA全年騎師執照考試，而喺昨日舉行嘅首輪筆試，果然再次見到佢嘅芳蹤，對於呢次筆試，佢就表示有進步，起碼今年可以完成大部分答題項目。

對於能否首輪過關，麥晴欣就要等到10月3日至有結果，若然首輪合格考試，第二輪面試，就會喺明年1月29日舉行。不過麥晴欣暫時仲會留喺日本，除咗等結果公布，佢亦已經向地方賽馬會(NAR)申請客串牌照。

以目前策騎成績，麥晴欣明白好難直接向JRA申請客串，惟有暫時喺地方馬會追逐佢嘅日本夢，並已獲得川崎地區練馬師山崎裕也保薦，只要通過NAR對客串騎師測試要求