【三T】$3,000萬三T潘頓夠堅

今次賽事三T多寶$1,896萬，預計$10一注獨中派彩高達$3,000萬，巨獎當前，值得多花心思研究。今次三T最值得倚重的騎師非潘頓莫屬，雖然騎者尾關未有坐騎，但首兩關都手握實力分子，求三甲一席應相當穩健。首關「寶麗生輝」因田泰安要征戰日本，因此落入潘頓手，馬匹上仗季內初出就係跑泥地1200米，結果甩蹄鐵之下仍頂到一席季軍，確實忠心無比，跑法主動之輩今次由8檔移回1檔，按理會更加賺。次關「堅闖」上仗全面優勢之下，居然最後一步不敵「奔妙星」，確實係殊不夠運，今次移回5檔之外，潘頓亦不放手，看來是氣難下，不勝回一仗確不甘心。