【戰況R5】馬主：我上次都以為堅闖贏呀！

「堅闖」自從上季配潘頓即勝之後，騎者就愛上騎呢匹馬，但一直近而未勝，上仗作季內初出，只以短距離落敗跑第2，今仗人馬再度合作，加配眼罩果然有突破性演出，直路如飛殺上取得馬匹在港第2W，潘頓應該滿意喇啩？

賽後，「堅闖」馬主張顯信表示愛駒上仗有啲唔好彩，個個以為會贏，可惜最後影相輸咗，不過都好感激伍鵬志同埋潘頓，好有心機練隻馬。今次「堅闖」加眼罩效果好好，因為愛駒雖然忠心，但出咗頭之後會收步，加眼罩幫到隻馬，而潘頓發力點掌握得好，希望之後上三班可以跑得更好。

今場跑第2名為潘明輝「綠族威」，班德禮「勁先生」跑第3，第4名為楊明綸「獵狐者勁」。

第5場賽果：2-12-7-10

二重彩賽果：2-12(最後賠率11)