游達榮同戇豆先生「好好」傾

昨日係游達榮(David)在港地標戰，雖然未能一鳴驚人，但亦憑曾由告東尼、方嘉柏同伍鵬志訓練過的「連連歡呼」殺到入Q，練馬能力不用懷疑。至於周日沙田日賽，游廐單支出擊，獨派「好好心得」上陣，並報爭二班泥地1650米，此駒評分已回到接近贏馬時的水平，觀乎上月一共省了3課大閘，明刀明槍趕工夫，今早最後試跑課期，排位都未出，已急不及待露出搏殺端倪。

5時15分，David安排「好好心得」由意大利好手艾兆禮在大圈快跳800米，馬匹走勢悅目，活力澎湃，完全唔覺係一匹8歲馬，話唔定搵到第二春。課後，練者立即衝落隧道底接馬，繼而親自牽引人馬返機坪，沿途亦與戇豆先生滿肚密圈，鏡頭惹人側目！