精英大師25歲生日　同好朋友過就最開心！

剛周日(9月29日)日本中山競馬場圓滿舉行短途馬錦標賽馬日，雖然「維港智能」同「綠族無限」未能奏捷，但相信大家都會諗番起「精英大師」喺2005年曾攻下短途馬錦標。高雅志日前接受訪問重提「精英大師」都記憶猶新。

「精英大師」現時喺澳洲Living Legends頤養天年，昨日(10月1日)係佢25歲生日，Living Legends亦都貼上佢同「牛精福星」嘅合照，仲祝賀「精英大師」25歲生日快樂，更收到馬主施雅治嘅祝福。「精英大師」喺生日當日，仲有佢最愛嘅荷蘭紅蘿蔔，當然好開心啦！