【變出彩虹】Pierre功夫好嘢！真好嘢！

伍廐馬上季搏咗一整季，好多人都認為今個季初要回氣，點知Pierre現時又以8W登榜首，究竟佢成功之處喺邊？此倉馬其一優點是狀態可以長處高水平久久唔跌Watt，好似剛剛復出即爆的「飛鷹翱翔」，前季2W、上季再添2W，當中好多次造快段速制敵，換轉是其他倉，呢類馬副偈「好易谷爆」，即是方嘉柏好多馬如「舞士精神」可以有一、兩仗贏到能人所不能，但之後便散晒，因為已超出自身極限，不過此規限套於伍廐便不適用。

另外，此倉唔少馬可以突破大家刨馬框架，「初戀」上季尾為爭冠監生吞贏完，到今季首戰冇表現，再出次仗增程跑1400米筆者睇淡，結果差少少又贏。「盈妍威楓」同一情況，季尾一戰硬撼「手機錶霸」，自購馬未夠熟夾硬扯盡狀態，但能力可以淘完又淘，今季初出續有進步補中埋，各位刨伍廐馬確宜換一換思維。

●靈駿