【賽後報告補充】包裝猛將贏完氣管多血

馬會今日有10月1日賽後獸醫報告增補：

第7場「緊張大師」今晨驗出右後腿不良於行。睇番馬匹昨日跑直路賽早段搶出埋欄，可惜中途開始乏力，而本身足部有傷患問題，睇吓會唔會再安排小休？

至於第9場「包裝猛將」沿途拍住「輝煌精英」，一發力話過就話，贏得好輕鬆。不過返來影頭馬相時有少少脾氣，練馬師沈集成向來盡責，當然十分緊張，要求替「包裝猛將」進行內窺鏡檢查，結果發現馬匹氣管多血，所以馬匹須檢驗合格才可以再上陣。