【投注見解】布文北上試閘「信心」爆棚

一般來說，香港騎師會定期北上從化策騎馬匹試閘，一來可以令到人手更充裕，二來騎師親自試閘考驗，對加強人馬默契有一定幫助，不過沒有明文規定，事關個別騎師極少動身，而潘頓自2019年9月27日到過從化試閘之後，足足5年未踏足過從化馬場。其實布文也極少北上，上季今年4月12日去過1次，而今季也動過身1次，於9月24日到從化替10駒試閘，包括今戰亮相的「信心星」。

9月24日布文所試閘的10匹馬，「信心星」是首匹自己策騎出賽，既然如此重視，擺明心中有馬。此駒上季3歲已獲1冠4季，其餘落敗3仗跑第4或第5名，反映早熟兼甚有質素，今季4歲料更上一層樓。復課後兩度於從化試閘，9月13日楊明綸試草閘1000米，前速甚快而末段收韁過終點，狀態初起未足；到了9月24日布文再試草閘1200米，鞍上人未有催策下自動上前力掩鋒芒，操弗瞄準勝途1400米，機會呼之欲出。

■梓忠