【戰況S1-2】岳伯仁底出！蘇銘倫爆冷首捧G1尚盧利加迪大賽！

S1-2場次1400米一級賽尚盧利加迪大賽，愛爾蘭班霸練馬師岳伯仁雙龍出海，主帥莫雅策騎嘅「馬蒂斯」被捧成2.3倍大熱門，但冇段好睇，反而由蘇銘倫策騎嘅13倍廄侶「印象創新」如飛殺上爆出冷門，此駒父系「活頓鎮」，亦即係港駒「桃花開」嘅爸爸，喺2010年勝出尚盧利加迪大賽，「印象創新」如今可謂子承父業。

賽後，蘇銘倫坦言今日巴黎隆尚馬場嘅變化地幫到「印象創新」，而莫雅喺賽前亦有過佢兩招，表示將隻馬放鬆來跑就得，結果一戰功成，同時亦係蘇銘倫首次勝出尚盧利加迪大賽。

今場跑第2名為李輝「剛強風」，貝知仁「會錯意」放入第3，第4名為宋文赫「遍地金」。

S1-2賽果：10-8-2-3

二重彩賽果：10-8(最後賠率85)