成哥從化睇閘　火車沙田視像匯報勝算

由於今早有10組從化草閘關係，當中沈廐多達10駒參與，最尾一組更有4駒聯袂出試，為免訊息混亂，倉主沈集成決定北上一趟，在現場親自監督為妙。

不過，沙田馬場晨課也同步進行，沈廐出戰周日沙田日賽的6匹參戰馬俱有份試跑，其中新勝猶勇的「華麗再勝」，6時15分由潘明輝於大圈親自主持最後快試，課後見仍在養傷的副練蘇狄雄第一時間走到機坪恭迎人馬，並且開定facetime，讓馬背上的火車潘可即時向成哥匯報操後感，搏殺也不受地域所限。

然而，即使潘頓今戰揀騎同樣在他胯下按韁輕勝的「氣勢」，惟「華麗再勝」上場孭頂磅贏馬，亞軍「輝煌精英」、季軍「旭日昇」及殿軍「非凡之星」再出俱能跑獲位置，賽事水準堅過石堅，反觀火車潘絕非人棄我取，隨時係冷手執個熱煎堆呢！