【子上談兵】贏開有條路　黎廐要連贏兩期

星期日迎來季內首場二級賽沙田錦標，究竟「遨遊氣泡」同埋「永遠美麗」，可唔可以抵擋後起之秀「錶之銀河」、「禪勝輝煌」嘅來襲？而當日張家朗、江旻憓、何詩蓓都會入場，如果想一睹幾位運動員嘅風采，就記得早啲入場！

方嘉柏開季成績的確勁，目前已經取得8W，排練馬師榜第4，而方仔喺第6場四班1600米派出「共享富裕」，此駒季內初出喺何澤堯胯下跑同班1400米，最後塞車跑第8，翌仗增程跑1600米即掄元，今仗可以留喺四班跑同程，相信打疊贏無問題。

黎昭昇喺剛過去嘅谷戰憑「耀寶駒」取得今季首W，打開勝利之門之後勢要再接再厲，當中第9場「競駿飛翔」絕對係最大機會。此駒上季煞科日開齋，今季季內首度復出，谷閘表現不俗，縮程跑1400米有新鮮感幫助，加上此駒質素不錯，有望助黎廐連贏兩期。

心水推介：

第6場 5共享富裕

第9場 2競駿飛翔

獨贏位置過關二串一共4注

■阿子