硬撼嘉應高昇　告東尼艾道拿不敢鬆懈

上季最佳短途馬「加州星球」喺嚟緊星期日第7場二級賽1200米精英碗掛頭牌孭135磅上陣，迎戰後起之秀，上季最佳新馬同最大進步馬匹「嘉應高昇」。

練馬師告東尼同騎師艾道拿都不敢鬆懈，今晨兩人本來踩單車向相反方向，告東尼去烽火台，艾道拿則準備入馬房，兩人喺機坪石屎地碰面時特登停低，傾咗成5分鐘先再出發，可見騎練二人都唔係視呢場二級賽為熱身賽事，勢要贏盡香港短途分級賽！