【世界觀】馬漢雅珠峰錦標擺3箭頭

應屆澳洲冠軍練馬師馬漢雅，響今日澳洲幾場大賽都派出強陣，其中考菲爾德盃同珠穆朗瑪峰錦標都擺出3箭頭。響考菲爾德盃，馬漢雅認為機會最好嘅應該係「開場白」，不過呢匹馬有個未知之數，就係今場係呢匹歐洲入口馬第一次響澳洲跑，可唔可以交出預期水準要跑過先知。至於出戰珠穆朗瑪峰錦標3駒，馬漢雅認為「美孫女」同「盡展本性」呢兩匹馬女實力旗鼓相當，但係亦唔可以忽視「開疆闢土」，佢話呢匹3歲馬仔每跑一場都會有進步，加上3歲馬響呢項賽事往績突出，所以贏馬機會隨時仲大過兩匹廐侶。

至於全日最睇好邊匹馬？馬漢雅就話呢個問題唔使諗，英皇查理斯三世錦標嘅澳洲馬后「珍蓮驕驥」，必然係唯一答案。