【世界觀】蜚聲詩界有贏馬方程式

英國傳統平地賽季壓軸好戲冠軍錦標賽馬日，戲肉之一嘅女皇伊利沙伯二世錦標，近年成為3歲馬嘅表演舞台，對上12屆8匹盟主係3歲馬。另外路程同樣1600米嘅法國隆尚磨坊大賽，係女皇伊利沙伯二世錦標最重要嘅指標賽事，對上12屆先後有13年「奧運光輝」、14年「人氣高」、21年 「勝千里」同上年「大石」，響贏呢項大賽前都有份出戰法國隆尚磨坊大賽。

今屆只有「蜚聲詩界」既符合3歲、又係之前一仗跑法國隆尚磨坊大賽，睇下呢匹古摩亞代表，可唔可複製舊年「大石」嘅贏馬方程式，喺隆尚磨坊大賽上名後，再出響女皇伊利沙伯二世錦標補中啦！