川田將雅落樓　聽日能否出戰菊花賞成謎

明日(10月20日)日本京都競馬場將會舉行3000米一級賽菊花賞，香港亦都會轉播呢場一級賽，至於近年灸手可熱嘅人氣騎師，當然係川田將雅，佢明日在菊花賞將會策騎友道康夫旗下「更加好」上陣。

不過川田將雅今日喺東京競馬場出戰第3場2000米2歲未勝利賽事時，佢策騎Mirage Knight跑入第4，但過終點之後就突然發生落樓意外，川田將雅倒地受傷，雖然騎者一度坐咗起身，但佢狀甚痛楚，最後要由擔架車送走，今日餘下坐騎更需易配。