備戰動態吸引　Cody成手馬蠢蠢欲動

巫偉傑(Cody)馬房今期幾匹邊線馬操得火噴噴，確實吸引。第2場「博愛先鋒」強配潘頓效勞，第4場「好運寶馬」及第9場新勝的「和平波」由福將蔡明紹搏殺，另外第6場「手錶之星」也非善類，剛戰輸頸位畀隻「增強」，原裝配搭再拼，田泰安決心要幫呢系大馬主補中。

今晨巫廐如常在6時45分派馬出操，一lot過5件上陣馬往內圈加課，練者心情靚靚駐足隧道口欄邊檢視，滿有信心模樣，20分鐘後又見佢在閘口迎接，全個過程一眼不漏，戰意爆燈，鏡頭甚為吸引。