【三T】$1,300萬三T惠澤社群

今次賽事三T多寶$800萬，預計$10一注獨中派彩高達$1,300萬，相當值博。今次三T最值得倚重的騎師為何澤堯，騎者剛周三連中三元，由頹勢變旺勢，今次有多匹實力馬在手，有力連番入凱旋門。首關「非凡達」季內兩戰非冠即亞，上仗藉慢步速之助走甩，今次同場又係快馬不多的場合，何澤堯有幸接手到此駒，必砌。次關「話你知」上仗復出爭嫌短的1400米，結果姍姍來遲追回第3名，熱完身開氣後返強項一哩，又有講惡本錢。尾關「熾烈神駒」上仗出爭同程，直路撻着後狂追入Q只負短頭位，走勢相當吸引，人馬有過合作經驗後再臨，相信留放尺寸可望做得更好。