話你知贏馬激動狂嗌　Roshan：其他馬主太靜喇~

今日第5場馬會140週年紀念盃，著名裁縫馬主Roshan匹「話你知」直路衝上來好勁，又一次贏馬喇！呢位馬主出晒名Hyper，今日又見到佢全程忘我嗌馬，真係超級興奮呀~贏完返來，Roshan不停擺Pose又跳又叫，成場傳媒都多得佢，又有得交差喇~Roshan賽後表示，「話你知」每次出賽都對愛駒好有信心，今場贏盃賽心情一如以往贏馬咁激動，但唔明白點解其他馬主贏馬嗰陣冇咩表情，自己唔係呢種馬主，應該要享受賽馬帶來嘅激情！