成個月無馬贏　石哥救援鍾易禮

鍾易禮(Angus)上季成績突出，以46W排騎師榜第5，首度榮膺告東尼奬，惟今季手風唔係幾順，開季至今僅於9月15日憑伍鵬志馬房「添喜運」取得今季唯一一場頭馬，及後策騎「星火燎原」、「博愛先鋒」、「得道猴王」以短距離落敗，運氣認真麻麻。

而Angus喺嚟緊星期三全泥夜宴有7匹座騎，當中開季成績唔錯嘅徐雨石派3駒上陣，悉數交由鍾易禮主理，當中跑頭場五班1800米嘅「高氣派」，上季尾曾於泥地四班1650米以頭位之差不敵「日就月將」跑第4，並擊敗「歡喜福星」、「年年友福」等泥地好手，證明「高氣派」泥地有返咁上下水準，而「星火燎原」上仗以頸位之差跑第2，今期勢要補中！