寶妮夜賽初體驗　有良駒好友實掂！

見習騎師黃寶妮(Britney)由於未獲准許喺谷草上陣，所以Britney至今上陣都係日賽。而因為星期三將迎來季內首次全泥夜宴，所以黃寶妮有機會迎戰在港從騎以嚟嘅首次夜賽。

黃寶妮目前取得3W，當中憑文家良馬房「良駒好友」取得泥地首場勝仗，此駒來港後首13戰全敗，上仗一換上黃寶妮減10榜即刻大變身，輕鬆取勝。而Britney星期三晚有5匹座騎，當中包括力爭連捷嘅「良駒好友」、上仗跑近嘅「帝豪歡星」，其餘仲有「必先生」、「好好紛」及「嘉應喝彩」。