【變出彩虹】潘頓今季大賽馬揀得七七八八？

潘頓成日話退休，但現時咁多好馬排住隊搵佢，絕對係繼續騎嘅誘因，好似剛剛「嘉應高昇」再次以無敵姿態贏馬，筆者錯估佢實力原來真係咁高，潘頓冇咗「金鑽貴人」唔怕，嚟緊香港短途錦標照樣袋了大半盃了，至於騎者剛周日另一匹霸住嘅「桃花開」，全程塞車走勢含蓄都第5，來年打吡好可能是主角，當然隔咁耐尚有變數，但潘頓仲有另一匹同齡好馬「包裝天將」，若果兩匹超勁的「浪漫勇士」、「錶之銀河」畀到位佢攝，到時真係唔捨得咁快退休了。

講番今次全泥夜，提供潘頓的「天天耍樂」，草地連場近而未勝，轉場憑速度快開，加埋2檔可以開到齋了。●靈駿