今期3T搵羅富全做膽！

今次跑全泥夜賽，三T及六寶獎都有多寶，預計10元一注獨中，三T可獲500萬元，六寶獎則可獲300萬元，搵到重心就可博。羅富全早前有「知足常樂」初跑泥地大勝，今回有「日日型」初跑泥地一哩，「天天耍樂」及「朗善好施」初跑泥地，全部試準可捧場。

三T頭關第4場「日日型」對上贏馬在上年3月跑直路賽，但今季跑草地普通，嘗試尋找新出路，以往泥地跑過一次在1200米短途大敗，今回則初跑泥地一哩，留意8月底曾試泥閘有不俗追勢，或針對早段慢腳刻意增程，排3檔及僅負119磅，半冷門必吼。

三T次關第5場「天天耍樂」今季田草兩戰獲1亞1殿，反映忠心，至今兩試泥閘走勢不俗，排在2檔有利，三甲望濃。三T尾關第6場「郎善好施」上季一出即勝，但其後未再贏馬令人失望，抖暑後重新操起，以往曾試泥閘大勝「紅運帝王」6個馬位，泥地性能突出，獨贏值捧之餘，可用來博六寶獎及做三T馬膽。

此外，博六寶獎記得要留意第5場黎廐「火神神樂」，此駒泥地1200米曾3度入Q，試泥閘操勇復出跑耍家路程，有力拚勝。