周三兩位壽星公 　石哥希威森有咩賀壽馬？

星期三喺徐雨石同希威森嘅正日生日，《東網》馬經喺度先提早祝兩位生日快樂。石哥星期三派4駒上陣，希威森就有7匹座騎，究竟佢哋兩個可唔可以有賀壽馬？

先睇吓石哥嗰4匹馬，分別喺「雄昇勇士」、「電訊驕陽」、「廚師發辦」同「胡椒軍曹」，當中「雄昇勇士」今季開始跑近，上仗增程至1600米，首度跑入獎金名次第4名，今次轉跑谷草一哩或有驚喜。

至於希威森7匹座騎中，看似質素平平，但跑尾場三班1200米嘅「比特星」其實有邊線機會。雖則此駒3次上陣都跑雙位數名次，但最近喺從化以輕鬆姿態贏出大閘，隨時偷襲成功。