【三寶】駿步騰飛冇阻力

今期第2口三寶，頭關「光輝所願」前仗復出跑谷草1200米入Q，上回再爭同程受困欲衝無從，意外落敗，今次重配班德禮，騎者大鞭扣殺本領，最夾這匹後上馬發揮。次關「大千眼界」9月尾曾短暫缺課，但埋門在從化連試兩課大閘，走勢一切如常，對上一課1600米草閘，跑來從容不迫，有點似「話你知」贏馬前影子。尾關「駿步騰飛」剛轉游廐一出即勝，蹄下敗將「你知我得」新近已補中，賽績硬淨，返回三班冇阻力，同廐「連連歡呼」及「盈益善」打疊兩仗躋身前4名，不用擔心搏完走樣。