班仔6期不勝　周日要做勁先生展雄威

班德禮開季成績麻麻，至今只得3W，對上贏馬已經要數到10月9日喺谷草5班1000米，策騎韋達馬房旗下嘅「飛躍凱旋」掄元，整個10月僅得1W。雖然班仔最近都有5個第2，但以佢嘅支持度，咁嘅成績略嫌爭啲。

班德禮星期日有6匹座騎，當中將會喺第6場四班1400米策騎「勁先生」，此駒今季取得1冠1亞，今仗抽4檔有望突圍而出；班仔另外喺第8場三班1200米將策騎廖康銘旗下初出「展雄威」，此駒喺澳洲8戰1冠2亞2季，評66分起步，試閘表現不俗，有望一出即勝。