【子上談兵】譯名的美學

世界級桌球大師奧蘇里雲尋日經優才計劃，成功取得香港身份證，唔知佢會唔會改番個中文名呢？講起改名，馬會為外籍騎練改中文名的確有一手，唔似某電視台幫球員譯名時總要標奇立異。馬會改名既保留到音譯，同時亦帶有本土味道，以今季首度來港設廐嘅游達榮為例，其英文名David Eustace，如果直譯就可能會叫大衞游達斯，叫起上嚟好翹口，改做游達榮又易記，平時冇睇開馬嘅人見到呢個名，隨時以為係個香港人都唔出奇。

嚟緊星期日迎來三級賽1800米婦女銀袋，此役重點絕對係上屆打吡冠軍「大至尊」喺乾快地可唔可以擊敗年長馬，睇番馬匹試閘表現同埋晨操狀態，面對呢組對手，相信實食冇黐牙。而踏入11月，相信蔡約翰係時候出擊，「英勇快車」升班排好檔，面對眾多新馬，有望取得連捷。

心水推介：

第7場 3大至尊

第8場 9英勇快車

獨贏位置過關二串一共4注

■阿子