【晨課起筷馬】冇咗包裝天將　「甲」級機會來了

第10場三班1400米，廖廐「穿甲戰鷹」上仗轉倉復出跑嫌短的田草1200米，臨場大幅落飛，完全無懼「包裝天將」，反映幕後自視甚高，可惜成條直路多番受阻，根本未能全力施為，衝回一席季軍，可以話走晒光了。

「穿甲戰鷹」復課後操練唔算多，只做過兩課快工夫，首課練者主轡跳800米，沿途步大有力，心火湧現，馬身收得更結實，拚後狀態再進一步。到埋門希威森做最後試跑，緊韁下走來主動起勁，翻步行雲流水，狀態再提升一個層次。今仗安排增程至1400米，預期更合其後追跑法，加上同場再冇「包裝天將」此類實力超級分子在陣，形勢大好，排13檔疊埋心水等直路飛出去衝，唔怕再受阻喇！

■陳志懷