【露露通】優才初出有揸拿

剛戰谷草夜賽頭場「安熠」因撞欄退出，此駒撞冧幾條防撞鐵欄，當時受薪董事正在後方，情況十分驚險。其實「安熠」撞欄之處亦都係賽馬前線傳媒平時落腳寫稿傳相嘅地方。該處有唔少人經過，曾經都有唔少馬主或幕後問記者點解要喺呢個地方做嘢，無他，因為跑馬地馬場記者室喺8樓，現今即聞年代咩都要快，每場由8樓往返地下十分費時，所以九成前線幾乎都唔會喺8樓開工。今次「安熠」若然撞歪少少相信就已經撞到坐喺到嘅記者。其實部分傳媒曾有反映相關事宜，但若然等出事先解決問題就太遲。

第9場「優才」在港3課試閘由潘頓一手包辦，但騎者分身不暇要騎番「盈妍威楓」，雖「優才」易配艾道拿，但以其埋門試閘勁勢，已有權初出即交佳績。