【戰況R7】安騁馬主：下年轉5歲仲會進步

今日重頭戲1800米三級賽婦女銀袋結果爆出冷門，「安騁」狂蝕13分之下，喺田泰安胯下爆出11倍冷W，第2名為蔡明紹61倍「當年情」，串成$2,841連贏。今場跑第3名為何澤堯「禪勝輝煌」，梁家俊「知足常樂」跑第4，潘頓策騎嘅打吡冠軍「大至尊」2.4倍倒灶。

賽後，田泰安話喺大賽日贏到呢場賽事特別開心，好多謝蔡約翰嘅支持，而「安騁」一向都有一定能力，由於今仗檔位一般，佢同蔡約翰商量過點跑，都係決定跟前啲，而隻馬拉士都保持走勢。

馬主王賢敏父親王忠秣表示，「安騁」上場以2000米熱身都跑得近，今場狀態好咗，雖然抽13檔起步，但田泰安發揮得好，跟前慢慢移出外疊衝，結果贏馬，而「安騁」其實只係4歲，下年轉5歲，仲有進步空間，蔡約翰都幫佢報咗下場跑國際賽，但要睇吓「安騁」賽後狀況如何，因為之前試過跑完返嚟輕咗20磅。

第7場賽果：14-8-4-7

二重彩賽果：14-8(最後賠率555)