【戰況R7】潘頓搶安仔坐騎　點知中咗回力標！

第7場三班谷1800米，伍廐4.7倍次熱門「錶之量子」加眼罩走咗去帶頭，步速亦扯得幾快吓，結果益咗一批後上馬，其中廐侶「逐步贏」素來好受騎，今場換番田泰安打樁式騎法騎住上來，壓倒潘頓匹大熱門「爭金奪冠」，隔一仗再W。講番「爭金奪冠」其實係田泰安連騎3次，但潘頓今次搶到來騎，不過兜個圈畀安仔劏，都係整定喇。是場跑第3、4名，係巴度匹「黑桃火箭」及布文1檔馬「明亮天下」。

伍鵬志表示「逐步贏」前仗贏馬姿態出色，上場升班跑第3表現令人滿意，今場形勢更為有利，結果征服三班，非常開心，而「逐步贏」今季完全成熟，表現亦都好準，若然喺三班負磅不重，仍有一定競爭力，未來部署都係兩個場地嘅長途賽事。

至於廐侶「錶之量子」，今場季內初出加首次戴眼罩，跑來鬥口，而且內側仲要有對手頂住，沿途耗力較多，但相信今場熱身對馬匹有利，之後都會戴眼罩跑。

第7場賽果:11-5-6-4

二重彩賽果：11-5(最後賠率57)