起完孖未夠喉　Cody夜賽全面搶攻

巫偉傑(Cody)馬房勢頭標升，剛戰憑「手錶之星」及「魔術控制」起孖，相信周三夜賽巫廐搏殺馬匹陸續有來，5匹正選報名馬包括有三班1650米「浪漫老撾」，四班1000米「電路七號」，四班1200米第2組「辣得駕勢」，四班1200米第3組「小刺蛋」及四玨1650米第1組「越駿開心」，安排今早逐一出大跑道快跳砥礪，鏡頭吸引。

特別要留意「小刺蛋」等到天光後7時正才亮相，因為約好由楊明綸過檔親自操刀，此駒以往有唔同人騎過，只有霍宏聲曾勝出同程，上鋪賀銘年騎跑第9名，現由阿綸首次執韁，與他今季成續平穩向上也不無關係，可望騎練攜手擦出新火花。