【獨門秘技】換人擺明搏殺格

剛周六10場賽事，其中8場頭馬由華籍練馬師取得，現時形勢更可靠，伍鵬志上季搏完僅輸冠軍，今季仍可保持成績難得；呂健威攞完冠軍要稍回氣，「勇敢巨星」成今季首匹3捷馬依然進取；羅富全經上季低潮今季已反彈；巫偉傑愈贏愈有信心，剛戰「手錶之星」及「魔術控制」都係好開繼續好；姚本輝「堅又威」升班換潘明輝照贏，上周三「日馳千里」季內3仗唔同騎師終於再贏，鬥志如虹；當然還有沈集成，近期出馬不是太多，有可能配合周日來港開始客串的麥道朗才展開搏殺期。

周三谷戰姚輝6駒列陣，3組四班1200米3駒報名，首選為「酷霸王」，上季贏直路賽1000米姿態出色，四班實力秤先，雖然贏完兩仗稍失準，但上季最後一戰到今季兩仗用艾道拿都有獎金收，演出趨穩定，惟上仗落飛後追只得第5名，今場易配梁家俊，擺明求勝格。

■西門獨