備戰周末預賽　三駒今晨草地拍跳

嚟緊星期日就係國際賽預賽，各練馬師為備戰呢三場二級賽都使出渾身解數，當中沈集成今晨安排馬王「浪漫勇士」同旗下短途好手「維港智能」分別喺草地同廐侶「南莊堡」及「非凡達」拍跳，兩駒跳完之後沈集成都喺終點線跑去馬房彎接馬。

而「維港智能」喺馬會短途錦標嘅對手「賢者無敵」今晨亦與廐侶「快狠準」拍跳，賀賢雖然無去接馬，但亦都喺烽火台二樓吼到實一實。