【一哩冠軍賽】卓倫谷今朝跳草地　莫雅畀料三大對手

呢個星期日響京都競馬場舉行嘅一哩冠軍賽，唯一海外賽駒，來自英國嘅灰獸「卓倫谷」(Charyn)成為矚目焦點，唔單止係隻馬，就連鞍上人莫雅，世一之爭若要反先麥道朗，以馬匹嘅當銳勇態，相信「卓倫谷」周日之戰將更加關鍵。

京都競馬場今朝7點左右，「卓倫谷」就安排響草地快跳考驗，練馬師韋利安同太太在場督操，而正在響日本客串嘅莫雅，更加係親自到場考驗，可見佢對呢匹馬高度重視，晨課之後，韋利安同莫雅亦有接受日本傳媒訪問。

對於被問及「卓倫谷」對於京都賽道的適應性，莫雅今朝跳罷後，認為全無難度，縱使將要面對日本極硬場地，練馬師韋利安亦強調，馬匹今季於皇家雅士谷捧走女皇安妮錦標，都係響好至快地上輕鬆取勝，係一匹乾濕皆宜嘅一哩全材佳駟，而且計劃呢次遠征早有定案，已做好一切針對性訓練。

及後當地傳媒要求莫雅點出今仗最強3匹對手時，莫雅嘅答案分別係「匯兩川」、「神志勇進」及「寬道路」(Brede Weg)。