【子上談兵】布文原來都有搞笑嘅一面

布文個樣一直都比較嚴肅，有一種生人勿近嘅感覺，但其實呢位44歲澳洲騎師都有搞笑嘅一面。適逢馬會星期三出咗4場國際賽嘅獲選馬匹名單，筆者呢兩日落晨操都有問騎師佢哋喺呢4場國際一級賽有冇座騎，當問到布文喺香港盃會騎咩馬，佢第一時間答我：「Romantic Warrior (『浪漫勇士』)」聽到答案嗰刻我真係嚇一嚇，之後望向布文，兩個人齊齊會心微笑，之後佢再同我講會騎「安遇」，展示佢搞笑嘅一面。

嚟緊星期日嘅沙田日賽，上場跑得唔差嘅「越野大師」今仗排1檔，加上換上同練馬師巫偉傑合作成績幾好嘅蔡明紹，絕對值得留意。而尾場「盈妍威楓」換上麥道朗排2檔，戰意鮮明，增程至1600米亦更合馬匹腳法。

心水推介

第4場　(5)越野大師

第10場　(3)盈妍威楓

獨贏位置過關二串一共4注

■阿子