剛戰影唔到威水相　Chris明日要補數

蘇偉賢(Chris)馬房剛戰「馬特峰」贏馬，但主理人在新西蘭買馬未返，錯過了影威水相機會，可幸機會猶在，明日賽事有chance馬在手，到時補數也未遲。第8場三班1400米草地賽派出「金勝名駒」上陣，此駒3勝同程愈贏愈有，上仗增程跑千六就出事，為咗穩打穩紥回師最佳途程，盡顯鬥志如虹。

馬兒復課後操練正常，狀態續有攀升，早前由董明朗試泥地大閘，走勢隱隱而未發力留居後，卻已令人注視，今晨由助手加課往內圈踱步，練者也零舍肉緊，在烽火台督操後便轉身踩車入倉仄馬，動態夠晒吸引。