齋月跑完國際賽加盟　廖康銘指打吡有作為

近年透過Yulong Investments擴展育馬同土里賽馬事業嘅張月勝，上月初喺巴黎買入「齋月」同埋「悉力」，並部署兩駒下星期角逐香港國際賽事。雖然「悉力」最終退出，唔跑香港盃，但「齋月」仍會交由莫雅策騎出戰香港一哩錦標，而此駒跑完呢場國際一級賽之後將會留喺香港發展，並交由廖康銘訓練。

廖康銘對「齋月」 來投感興奮：「『齋月』係匹好好嘅賽駒，外地賽績好優秀，好期待此駒喺香港一哩錦標嘅發揮。」練者寄望「齋月」加盟後可以替馬房贏得今屆打吡大賽：「希望『齋月』以最佳狀態出戰，目前仲需要透過香港一哩錦標去進一步了解此駒，不過相信『齋月』有能力喺今屆打吡有一番作為。」