【三T】$400萬三T有大志

今次賽事三T多寶$128萬，預計$10一注獨中派彩可達$400萬。今次三T最值得倚重的騎練為何澤堯及伍鵬志，兩者在三T各關均攜手合作，相信連番入圍一點也不奇。首關「陽光寶貝」跑泥地耍家，前仗就於同程輕取「有派頭」，上仗谷草隔一隔紗回氣，今次重返泥地出埋王牌，加上排在3檔靚位，啱晒其前置跑法。次關「添開心」雖然田草成績未算突出，但直路賽亦跑過第2，而剛周三贏谷草1000米姿態出色，看來與何澤堯相當夾檔，匆匆再出亦不可或忘。尾關「超旺財」當打路合，季內4戰1冠1亞2殿，基本上次次跑得近，雖然初次挑戰1800米，但憑勇態可克服。